1Jo 1 | GbrGAW | STEP | Kristi ɓei n wye-wyeyi kafin a zhin anyi, har emi n mihin tukwo maku gyewo nmi awyei, maku wo wo woi daɓo, ma wo to bwa nmi abwai, Wo zhin Shekwoyi ɓeda wye-wyeyi nya nu.

1 John 1

Shekwoyi Zhin Buzangna Nu

1 Kristi ɓei n wye-wyeyi kafin a zhin anyi, har emi n mihin tukwo maku gyewo nmi awyei, maku wo wo woi daɓo, ma wo to bwa nmi abwai, Wo zhin Shekwoyi ɓeda wye-wyeyi nya nu. 2 Oza deye n wo zhin wye-wyeyi nyi, woi gmi n Shekwoyi aba nyi, aku wo wuyi, yi zhin seida ge yiku gye wo. Mi da Kristi nu ɓo, n wo zhin wye-wyeyi nyalo-nyalo nya nyi, wo ɓei kunsun n Dadayi a wuyi wo. 3 Ma gnafye njesun, yi gnafye oɓo nu n yi ku gye yi ku to bwa, nna abai fya bwa jedoɓe n na gmadai n yi cei lo n Dadayi n Yesu Kristi owo Nugun. 4 Nfya zhin shi ma kafi n wasika ye, efyehince fya ku nu n bugba buyi, n yihinɓe.

5 Ɓeda nyi n Shekwoyi wa da nge yi gnafye, nge Shekwoyi zhin buzangna nu wyegma to nyi n wo aban. 6 Ntucenu n ya ci ge yi zhin owo anugundo nu, ama ya gyi abye n zan-zan yi fi n wyegma n laifi yi, yi ce akatanu. 7 Ama n yi zan-zan fi n buzangna Shekwoyi nya, shi Kristi ɓei zhin nyi, yi n jedoɓe yi lo n bugba buyi n na ajei, Yesu owo Nugun ami ɓa zhanyi ya na laifi vinya.

8 Nyacige yi to n laifi yi lon, yi dna yihin kwoce nu, yi na gaiciya aɓo. 9 Ama n ya da eyi alaifi nwo aba, yi ɓa mi ya kpema wo wa zhin yi gafara. Wa zhanyi ya n ɓenukwoyi vinya. Kwo wulo cewo n Shekwoyi aba, wa zhinyi lonu ntuge Kristi ɓei lafi ntuge wa zhanyi alaifiya. 10 N ya gna yi to zhin laifin, yi ce akata nu yi-yi Shekwoyi ge zakata, gama wa ci ge, yi ku laifi zhin.